主頁 / 新聞中心 / 公司新聞

天大藥業投資有回報


時間:2017-04-07
來源:都市日報

 

趁香港清明放假,盧盡義夾埋周日去咗新加坡幾日,新加坡基金朋友知道盧盡義「大駕光臨」,即刻微信約飯局,遊新加坡三日除了落機的早餐,全程有朋友們照顧,被照顧感覺實在感覺良好。

 

第一日午餐是墨西哥雞肉卷餅,晚上是和印度老友們的「龍舌蘭酒聚」,四人合飲2樽,最終想再有下場但已經不省人事。次日一覺醒來,基金老友約飯「赤柱牌肉骨茶」,在「茶店」見到前特首「吃茶」照,令人感嘆。

 

基金老友長期在港,只香港及大陸假期才回新陪伴家人,但老友記對新加坡讚譽有加,由人人有屋住到教育醫療都向盧盡義推銷一番,搞到盧盡義這個有家室之人都動了舉家移居之心。

 

比較兩地地價,在新加坡買「真」豪宅,其呎價等於荃灣樂悠居水平,而土地成本具競爭力也令其IT、醫療行業得以成長。回到香港,又到天大(455)美女總監約飯局,聽到盧盡義如此說,轉數特快的美女總監表示天大前年亦有投資3,000萬港元予新加坡為基地的醫藥公司ASLAN,該公司更已經獲台灣證券交易所批准上市,即係投資成功獲利咁話。筆者知道台灣一畀醫藥公司較高估值,看到人哋投資成功也替佢高興。

 

天大IR介紹,天大未來將會涉足開發創新仿藥、發展中醫藥產業及投資醫療服務三方面,果如此,只要利潤顯現,天大價值應有上升空間,天大現金充足,策略股東又包括上藥,基本因素唔錯,但股價一直唔升,買入後真係要「再坐一會」。

 

盧盡義
(逢周五見報)
財經專欄作家,《炒股幫》主筆,文章散見於《信報》、《都市日報》,《投資先機》月刊,FB/微信: stocksdoctor